SUKSESI Të gjitha zbulimet e mëdha në biznes burojnë nga novacioni, nga propozimi i diçkaje më të mirë, më të lirë, më të shpejt, më të re ose më të efektshme në një treg të caktuar. Përtëritja dhe përmirësimi i vazhdueshëm i biznesit dhe përcjellja e trendëve janë thelbësore për mbijetesën e biznesit.  Që të ketë sukses në tregun konkurrues, një biznes duhet të ketë produktin ose shërbimin i cili ka  një avantazh konkurrues ose një zonë epërsie që i mundëson të dallohet nga produktet apo shërbimet konkurrente në disa mënyra. Shumë kompani dështojnë sepse ato vënë në shenjë një treg të gabuar me produkte të gabuara në mënyrë të gabuar. Tregu në shënjestër për kompanitë e tilla nuk ka nevojë ose i ka të plotësuara nevojat për produktet të cilat i ofrohen. Kompania e suksesshme përqendrohet mbi segmente tregu në të cilat norma e kthimit të investimeve është e shpejtë. Produktet dhe shërbimet të cilat ofrohen nga kompanitë e  suksesshme sigurojnë marzha të larta të fitimit. Në fakt tregu është barometri kryesor për të gjitha që u përmendën më lart. Tregu paguan fitime dhe çmime të mira për produkte të mira dhe shërbime mira.