KONSUMATORI Planifikimi i duhur i biznesit gjithmonë fillon me konsumatorin si përqendrimi  kryesor i vëmendjes. Të gjitha aktivitetet  e biznesit duhet të zhvillohen duke pas parasysh konsumatorin.   Qëllimi i biznesit është të siguroj dhe të ruaj një konsumator. Tërë kënaqësia e konsumatorit buron nga njerëzit, pra njerëzit janë ata të cilët me sjelljen e tyre kontribuojnë që një konsumatorë të  përfitohet ose të humbet. Konsumatori gjithmonë vepron për të kënaqur interesat e tij duke kërkuar sa më shumë dhe më të mirën me çmimin më të ulët të mundshëm. Konsumatori kërkon cilësi shumë të lartë me çmim shumë të ulëta, që në një treg ku konkurrenca është e shtrënguar është kërkesë normale të cilën çdo biznes duhet respektuar plotësisht.  Cilësi është ajo që konsumatori e vlerëson si të tillë dhe është i gatshëm të paguaj për të. Cilësia përshin produktin apo shërbimin, po ashtu edhe mënyrën si është shitur, shpërndarë dhe ruajtur ai. Suksesi i tregut vjen nga përqendrimi i vëmendshëm mbi shitje te ata konsumator që i keni përzgjedhur të jenë të parët të cilët kanë nevojë për produktin respektivisht shërbimin tuaj dhe mund të sjellin përfitime të menjëhershme duke pasur parasysh veçoritë unike të produktit dhe shërbimit që iu ofroni në fushën tuaj të specializimit. Kompanitë dështojnë kur ato nuk specializohen dhe nuk i shërbejnë një numri të mjaftueshëm të konsumatorëve duke iu përgjigjur nevojave dhe kërkesave të tyre.